كل سنة وكل اخواتنا الاهلاوية بخير وصحة و عبد النعيم !

Written by  علاء عطا
Published in علاء عطا
الإثنين, 23 أيار 2016 10:10
Rate this item
(0 votes)
كل سنة وكل اخواتنا الاهلاوية بخير وصحة و عبد النعيم ! كل سنة وكل اخواتنا الاهلاوية بخير وصحة و عبد النعيم ! كل سنة وكل اخواتنا الاهلاوية بخير وصحة و عبد النعيم !

Advertisement

فى سبعينات القرن الماضى وفى احد قرى مصر ، ولد طفل فى احد المنازل ذا بشرة قمحاوية اللون وانطلقت الزغاريد بهذا البيت والافراح فالطفل الغالى قدم بعد معاناة شديدة ودخل الحاج عبد النعيم قائلاً ساسميه " سيد"..! لم يعلم الحاج عبد النعيم انه آتى بطفل سيجلب فى بداية الالفيه الغم والكرب لاكثر من نصف سكان مصر فى تلك الوقت،حيث كبر سيد واصبح شاباً بالغاً يلعب الكرة وامتاز بالمهارات فلفت انظار اهل قريته ثم توجه الى القاهره ووصل الى اعتاب انبى وانضم له ولعب معه حتى ضمه الراحل رحمه الله " طه بصرى" الى الفريق الاول،مرت الايام وكان هم سيد هو ان يكون لاعب كرة يمارس هوايته المفضلة وان يحقق حلم حياته فى كونه لاعب مشهور وها هو يحقق حلمه ويلعب فى الدورى العام والمباريات تذاع لاهله واحبابه ويشاهدونه فى التليفزيون.

وفى عصر يوم الـ الثالث والعشرين من مايو عام 2003 .. كانت منطقة الجزيرة قد علقت ليلة هذا اليوم انوار فراشة عم عبده حشمت الاهلاوى وبكامل المنطقة للاحتفال بالدورى العام.. فى حين نام كل مشجع زملكاوى على الوهم..ياترى انبى هيتعادل..ياترى ممكن..لا صعب..صعب..بلاش عشم..اه احنا هنكسب..اصل الاسماعيلى كده كده هيفوت الماتش..معلش..ماهو الاسماعيلى متعود يفوتلنا..ولاد عم بقى..عموما كلهم بعدها راحوا الاهلى..بس ياسيدى..ونام جمهور الزمالك اللى شال الموسم اللى قبلوا 6 وفى النهاية ماخدتش وقتها الاهلى الدورى فكان الموضوع صعب شوية..وجاب بعدها بونفرير المعجزة..وكان الفارق نقطتين للاهلى..اى ان الزمالك يحتاج ان يتعادل الاهلى للعب ماتش فاصل..اما احتمالية الهزيمة صعبه..مش موجودة نهائى..

اتذكر والحاج عبده بيعلق الفراشة والانوار..وقتها كنت فى سنة تالتة مدنى فى هندسة بورسعيد..لم يكن لدى اى ايمان ان انبى سيتعادل..والله لو تضافرت القوى المدنية والعسكرية لتحقيق المعجزة لن تتم..الموضوع محسوم..ذهبت انا وصديقى العزيز شادى عزت فى احد قهاوى بورفؤاد..صاحب القهوة راصص الكراسى عكس بعض..نص القهوة بتتفرج على ماتش الاهلى..وعكس الاتجاه ماتش الزمالك..احنا بنتفرج بالمعنى الحرفى بقفانا على ماتش انبى..مش قادرين نبص عالزمالك بس..او بمعنى اصح..عارفين اللى فيها..وفجأة اذ قفانا يقوم مهللا..لشاب فى اواخر العشرينى..عسكرى امن مركزى النزعة..تجده فى كل شارع وحارة..تحبه..تشعر انك تجده وانت بتجيب 5 عيش من الفرن..

اسمه سيد عبد النعيم..

قفز قفزة هرقليزية..واحرز هدفاً زلزل بها القهوة وقلوب الزملكاوية فى ارجاء المعمورة..اتذكر وقتها انى اترزعت فى سقف القهوة..وحضنت اى حد معدى..جلست شوط ونصف على اعصابى اقول..خلاص حلم التعادل هيحصل..اصل ماينفعش..اه بجد ماينفعش يحصل..ديه فيها وزرا هيتشالوا..والجنيه هيزيد..والبورصة تنهار..ازاى الاهلى ممكن يحصله السيناريو ده..قرون عدت وانا اعد كل ثانية فى انتظار ولا جديد حتى احرز حسام عبد المنعم هدف الدورى..طب الدقيقه 95 يا جدعان ماحدش فى الاهلى بيحط ليه؟ ليه ( بصوت شوبير ) ..واطلق الحكم صافرة النهاية.. معلناً انقلاب الدورى من الجزيرة الى ميت عقبه

خرجت ارقص فى الشارع كطفل اشترت له امه فيلم لهياتم فى خريف 72.. ياااااااااااااااااااااااااااااااااااااه على مدى الفرحة..والله كنت ارقص واوقف الميكروباصات وارقص امامها كالاطفال.. اتذكر ان معدل الوفيات زاد يومها..طوارئ فى مستشفيات القاهرة..وزارة الصحة طالبت المواطنين بنقل دماء للمستشفيات..وزارة الداخلية اعلنت الاستعدادات القصوى..الدبابات ذهبت لتامين مبنى ماسبيرو..ارتفاع معدلات الطلاق..ارتفاع معدل الجريمة..وكان هناك نحيب حيث كان هذا النعيم قد شرد اسر مصرية بسبب فعلته الشنيعة..

اخوانى اوصيكم بنفسى ان ندعو جميعاً لسيد عبد النعيم..رمز كل شئ.. وكل 23 مايو وانتم بخير زى ما كان من كام يوم بتهنونا بذكرى ال 6-1.. والى لقاء فى ذكرى ال 6-0 سنة 44 لاحكى ذكرى جدودى فى الاحتفال ان شاء الله

ملحوظة 1:الفاتحة لحج عم عبدو صاحب الفراشة الذى وافته المنية بعد الماتش

ملحوظة 2 : كل ما ورد فى المقدمة هو من نهج وخيال كاتب القصة

ملحوظة 3 : ما بعد المقدمة صحيح فى سرده عدا بعض المشاهد المبالغ فيها التى وردت فى القصة والعهده على الراوى


سيد عبد النعيم


صورة ارشيفية للمقاتل "سيد عبد النعيم" قبل اصدار قرار بحذف كل الصور الخاصه به من كتب التاريخ ومن مواقع البحث الاجتماعى

علاء عطا


Advertisement


Read 51520 times

zamalek.tv

Connet With Us

اتصل بنا

Tel: 00201001230617

Email: عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

Website: http://www.zamalek.tv

 

Our Sponsors