موجـز تخيلي لمباراة الزمالك و الأهلي مع رامي يوسف

Written by  رامي يوسف الثلاثاء, 17 أيلول/سبتمبر 2013 20:27
Rate this item
(0 votes)

موجـز تخيلي لمباراة الزمالك و الأهلي مع رامي يوسف

 


Advertisement


 

حينما تفقد الرجوله معناها تظهر تلك النتائج , حينما يجتمع أسوء مجلس إدارة فى تاريخ النادى مع أحد أسوء مدربى النادى على مدار تاريخيه فى حضرة كابتن مُتأمر لا تهمه سوى مصلحته وإنصاف لاعبين لا يُفكرون إلا فى كيفية جمع المال فلا تنتظر أفضل مما قُدم , من قبل أن يبدء دورى المجموعات ونحن نُحذر , من قبل التعاقد مع طولان ونحن نرفض هذا التعاقد , بعد التعادل مع الأهلى فى المباراه الأولى قُلنا لا تنتظروا خيراً من هذا الفريق ومدربه العاجز وقت أن كان الكل يُهلل لهم , منذ العام الماضى ونحن نُحذر من التواطىء داخل الفريق والتأمر من قبل الاعبين الكبار على الفريق وتكوين عصابة تتحكم فى الفريق يتزعمها كابتن الفريق والاعب الفاشل الأخر الذى جاء ليلعب أساسياً رغم أنف الجميع رغم إنه كان حبيساً لدكة بدلاء فريق يلعب فى الدرجة الثانيه فى بلجيكا قبل أن يُقرر النادى عودته فى سقطة تاريخيه يدفع الآن المجلس الفاشل ثمنها , لا أقصد ندفع نحن الجماهير ثمنها ! حذرنا من ذلك مراراً وتكراراً ونُعتنا بالخيانه والعماله لصالح أخرين يريدون تدمير الفريق أتهمونا بتقاضى الآموال لآجل الهجوم عليهم أرسلوا لنا من يسُب فينا جهراً وألتزمنا الصمت حفاظاً على الفريق , غضبوا منا لآننا نكشف عيوبهم لآنهم لا يريدون إصلاحها , أى إنسان يريد النجاح يتمنى أن يجد مرآة صادقة تُبرز له عيوبه حتى يتفاداها ولكن الفاشل فقط هو من يريد كلمات المديح والثناء والتشجيع حتى وهو يكتفى بُمشاهدة الكره وهى تدخل مرماه دون أدنى محاوله منه لإنقاذها , الفاشل فقط هو من يُسهل من مهمة أى لاعب يريد المرور منه وعمل جبهة قويه عليه ولا يريد من أحد أن يُبرز له عيوبه وأخطاءه لأنها فى نظره فضيحه كونه يعرف تماماً إنه مُجرد لاعب عاجز فاشل لا يُمكنه فعل أكثر من ذلك ورأى فينا أناس تُريد أن تقف أمام لقمة عيشه – ما هو نادى الزمالك خلاص بقى مرتع لكل فاشل عاوز يقلب عيشه على قفا شوية مُغفلين –

عزيزى لو كنت قد دخلت إلى هذا الموضوع بهدف قرأة تحليل فنى للمباره فأعلم تماماً إنك نفس الشخص الذى يعتبر أحمد جعفر فرود وأحمد سمير باك يمين وعبد الواحد السيد حارس مرمى وطولان مدير فنى !


بدء طولان اللقاء بطريقة لبن سمك تمر هندى


إحنا يا رجاله هنقف هنا ونمسك الكوره هنا ونديها لعيد علشان يعمل شوية slow motion حلوين ويقع على بطنه وتتعمل هجمه مرتده علينا يقوم وليد سليمان شارخ بالكوره يقوم فتح الله وطلبه يوسعوله علشان وليد دلوقتى ماشاء الله لاعب دولى وعاوزين نجهزله لمتش تصفيات كاس العالم مع المنتخب , وبعد شويه هيجى كورنر فتح الله يمسك عارضه وطلبه يمسك التانى وعبد الشافى أقصر لاعب فى الفرقه هو ال يعمل التيك أوف مع عبد الظاهر إحتمال برادلى يضمه ولا حاجه تبقى عملنا ال علينا ومرناه على ضربات الرأس وطبعاً كابتن عبد الواحد عارف دوره كويس ومش محتاج حد يقولهوله , بالظبط كده يا كابتن الكره تتشاط تقف تتفرج وبعدين تحط إيدك على وسطك وتبص ع الارض ومتنساش الإبتسامه الحلوه علشان المتش متذاع ع الهوا , وطبعاً سمير هيقوم بفقرته المعتاده ال مش هينفع نتكلم عنها علشان فيه ناس أقل من 18 سنه هتقرا الموضوع وكده .


نيجى بقى لنص الملعب


انت يا توفيق هتقف فى الحته ال فيها ظل المدرج علشان متجيلكش ضربة شمس وعمر جابر إنت عارف دورك كويس شوفت حلقة الأميركان فوتبول فى مسلسل الكبير ؟! أه يا كابتن شوفتها إنت هتلعب دور جطر عارف جطر ؟ أه يا كابتن عارفه يالا بالتوفيق .

نور السيد يا غلبان انت يا مسكين هتشيل الليله لوحدك بس انت يا نور قدها شوفت فريد شوقى فى فيلم عنتره لما شال الشجره وضرب بيها 15 نفر ؟! أه يا كابتن هتعمل زيه انت دلوقتى ماشاء الله كبرت وبقيت بتعرف تسوق العربيه لوحدك يعنى تقدر تشيل نص الملعب لوحدك وبعدين انت مش فاتح بيتك وشايل مسئوليه زوجه وأولاد ؟ أه يا كابتن , خلاص يا نور مسئولية البيت أتقل من نص ملعب الاهلى اشتغل اشتغل ربنا معاك


 

طبعا كابتن عيد دورك معروف شرحناه فوق



كابتن شيكا حبيب قلبى والله , المتش ده مفيش جمهور يشتمك يعنى اعصابك هتبقى مستريحه والمفروض بقى تمتعنا وتبدع كده وتكسبنا المتش بس لاء كابتن شيكا كان عنده رأى تانى ملقاش جمهور مسك فى شنطة سيد ! شوفت عادل امام فى مسرحية شاهد مشافش حاجه ؟ ساب الجيوش والمماليك وأعد يمضى على أطباق ؟ أهو إنت هتسيب المتش وصناعة اللعب المُكلف بيها والتسديد من مسافة بعيده علشان تستغل نقطة ضعف اكرامى والاختراق من عمق دفاع الاهلى الضعيف وتمسك فى شنطة سيد !

إعوذ بالله من الشيطان الرجيم وبسم الله الرحمن الرحيم والله اكبر الله اكبر هنتكلم دلوقتى على دور كابتن جعفر فى المباراه , بص يا جعفر يا حبيبى كابتن وائل جمعه راجل كبير ومش حمل صدمه هو بحكم عامل السن والإرهاق وكده هيغلط كتير دورك بقى تدارى على غلطه , إحنا داخلين على كاس عالم يا معلم ومبقاش حيلتنا فى المنتخب غيره وأديك شايف فتح الله بيطبق نظريه ولكم فى أسماءكم حظوظ وفتحها ع البحرى فخليك حلو كده يا جعفوره وأول ما جمعه يغلط انت تقلش هو يغلط وانت تقلش أو أقولك ريح إنت بتحب تريح , شوفلك حتة تراوه كده ونام فيها ولو جت الكوره عندك إعمل حركة جودزيلا قال يعنى بتحاول عليها !


 

طب أقول إيه بالله عليكم


هعد أقول دفع 4 مليون جنيه الموكوس علشان يجدد ل 3 مواكيس ويسيب الاعيبه المهمه تمشى قديمه

أقول إن هو ال خربها قديمه

أقول بجو الآفلام القديمه ال عايشين فيه ده الغازيه لازم ترحل ؟! بس هو مين ال هيخلى الغازيه ترحل إذا كان الكيان المُنظم الوحيد وسط الجماهير راح ينقط الغازيه الغازيه نقطته وحزمته ورقصته كمان !

لنا الله



 .



 

رامي يوسف

#RameJoe





 

شارك برأيك من يستحق التجديد و البقاء و من يستحق الرحيل  twi  ztvz


 





خــاص جلسة مع شريف حبيب يوم الأحد لضم باسم علي











Read 15546 times Last modified on الثلاثاء, 17 أيلول/سبتمبر 2013 20:40

zamalek.tv

Connet With Us

اتصل بنا

Tel: 00201001230617

Email: عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

Website: http://www.zamalek.tv

 

Our Sponsors